Në Antwerpen, Ermir Ndreaj, i njohur si Cinco, dhe Sahid Falchou, i njohur si Zonnepit, dolën në gjyq për trafik kokaine përmes portit. Prokuroria u mbështet te mesazhet e përgjuara nga rrjeti i koduar Sky ECC.
Sipas Prokurorisë, shqiptari Ndreaj dhe Falchou, anëtar i bandës së njohur Turtles në Borgerhout, bashkëpunuan në të paktën tre transportime kokaine gjatë 2020-2021, me një sasi totale rreth 1,2 ton. Cinco kishte kontaktet në Amerikën Latine, ndërsa Zonnepit kishte lidhje në portin e Antwerpit.
Ndreaj i dërgoi Falchout një foto të blloqeve me kokainë dhe një llogaritje se do të fitonin nga 170 mijë euro secili. Dy transportime kaluan pa probleme, ndërsa një ngarkesë prej 450 kg e fshehur në kuti bananesh u kap në mars 2021 në portin e Hamburgut.
Prokuroria kërkoi 8 vite burg për të dy, por ata mohuan se kishin përdorur telefonat e Sky ECC. Vetëm Mounir T. pranoi fajësinë.
Gjykata i shpalli fajtorë dhe i dënoi Ermir Ndreaj dhe Sahid Falchou me nga 7 vite burg. Mounir T., Rocco R. dhe Johannis v.G. morën nga 6, 5 dhe 3 vite burg, ndërsa Lorenzo G.C. mori 2,5 vite me kusht. U vendosën edhe gjoba deri në 56 mijë euro.
Gjykata urdhëroi arrestimin e menjëhershëm të Ermir Ndreaj, i cili ndodhet në Tiranë ku ka një diskotekë që funksionon mirë.
