Një zjarr ka përfshirë malin e Shëngjinit, pranë rrugës kryesore në lagjen Sake, duke djegur një sipërfaqe të konsiderueshme me shkurre dhe bimësi.
Flakët janë përhapur me shpejtësi dhe i janë afruar zonës së banuar si dhe aksit kryesor rrugor, duke rritur rrezikun për banorët dhe qarkullimin e mjeteve në zonë.
Në vendngjarje ndodhen forcat zjarrfikëse, së bashku me strukturat e emergjencave civile të Bashkisë Lezhë, të cilat po punojnë për izolimin dhe shuarjen e flakëve, me synim parandalimin e përhapjes së mëtejshme të zjarrit.
