Projeksionet e para të vendeve në parlamentin europian janë bërë publike pas votimeve 4 ditore që u mbyllën sot. Është i qartë një avantazh i Partisë Popullore Europiane e cila projektohet me 186 vende në parlament, e ndjekur nga social demokratët me 133. Sakaq, më tej vijnë liberalët e Renew Europe me 82. Një disfatë ka pësuar për momentin edhe forca e gjelbër me 53 vende.
Në Francë, Fronti Nacional i Marine Le Pen e udhëhequr në këto zgjedhje nga Jordan Bardella mund të morri dyfishin e votave të partisë së presidentit Emmanuel Macron. Ky i fundit, pas projeksioneve të para ka njoftuar shpërndarjen e Asamblesë Kushtetuese dhe shpalljen e zgjedhjeve të reja parlamentare të parakohshme ku raundi i parë do të zhvillohet në 30 qershor dhe raundi i dytë në 7 korrik.
Sa i përketë Gjermanisë, partia e Scholz, SPD drejt kolapsit pasi renditet e treta e parakaluar nga ekstremi i djathtë AFD. Qendrat e votimit në Itali ende nuk janë mbyllur dhe pritet të përfundojë votimi në orën 23:00. Ndërsa e djathta ekstreme në Austri po shkon drejt fitores si forcë e pare.
Zgjedhjet për anëtarët e Parlamentit Europian filluan në datën 6 qershor, ndërsa dita e sotme (9 qershor) është edhe dita e fundit, ku pritet që të votojnë shumica e vendeve të BE. Presidentja e Komisionit Ursula von der Leyen bëri thirrje për të marr pjesë në votim, teksa ajo vetë votoi në Burrdorg, pranë Hanoverit, ndërsa shoqërohej nga bashkëshorti i saj Heiko.
NDërkohë Holandezët votuan të enjten, më 6 qershor, kjo u pasua nga Irlanda më 7 qershor dhe më pas Letonia, Malta dhe Sllovakia më 8 qershor. Republika Çeke dhe Italia votuan për dy ditë: përkatësisht 7-8 dhe 8-9 qershor.
Mosha minimale e votimit ndryshon, por për shumicën e vendeve evropiane është 18 vjeç. Për herë të parë në Gjermani lejohen të votojnë edhe të miturit, pasi mosha e votimit të vendit për zgjedhjet evropiane është ulur nga 18 në 16 vjeç. Kjo ka rritur numrin e votuesve me të drejtë vote në Gjermani nga rreth 61.5 milionë në vitin 2019 në pak më pak se 65 milionë këtë vit.
Gjithsej janë rreth 720 anëtarë të Parlamentit Evropian (PE) do të zgjidhen mes mijëra kandidatëve.
Parlamenti Evropian është trupi i vetëm i Bashkimit Evropian që përfaqëson shtetasit e vendeve anëtare. Funksioni i tij primar përfshin negocimin e ligjeve të BE-së me anëtarë të qeverive, që përfaqësohen prej Këshillit Evropian. Parlamenti, po ashtu, miraton buxhetin e BE-së dhe voton për marrëveshjet ndërkombëtare, si dhe për zgjerimin e bllokut evropian. Ky institucion ka përgjegjësi mbikëqyrëse, përfshirë fuqinë për të miratuar apo refuzuar emërimin e presidentit të Komisionit Evropian pozitë në të cilën është aktualisht Ursula von der Leyen e Gjermanisë dhe të komisionarëve.
