Gjykata greke ka vendosur sot që të mbajë në paraburgim Kastriot Cenko, shqiptarin që dyshohet për vrasjen e bashkëshortes së tij, Alba Cenko, me çekiç.
Autoritetet kanë vlerësuar se arrestimi i tij është i ligjshëm. 39-vjeçari ka shfaqur pendesë në gjykatë dhe ka shpërthyer në lot, duke qarë me dënesë, sipas raporteve të mediave greke.
Ai ka pranuar krimin, duke shprehur dëshirën që të mund të kthehej pas në kohë dhe të shmangte ngjarjen tragjike.
Kastriot Cenko ka theksuar se nuk kishte planifikuar vrasjen e bashkëshortes dhe ka shpjeguar se në momentin e krimit ka qenë në një gjendje të rënduar psikologjike.
