Prokuroria urdhëron kryerjen e një eksperimenti hetimor për të përcaktuar vendin nga u qëllua biznesmeni Eduart Reci. 52-vjecari u qëllua në distance dhe dyshohet se autori mund të ketë qenë në ambjentet e një hoteli që kishte fushëpamje mbi shesh pushimin e pallatit ku Reci jetonte.
Gjatë ditës policia ka ushtruar kontroll në godinat përreth më shpresën për të gjetur gjurmë të autorëve të krimit. Eksperimenti do të kryhet mbi bazën e pamjeve filmike, mënyrën sesi ka rënë biznesmeni dhe pozicioni që e ka goditur plumbi.
Vrasja e ndodhur mbrëmjën e të mërkurës ende nuk ka autor dhe as motiv. Reci ka punuar dikur në SHISH, ndërsa vitet e fundit kishte krijuar një kompani ndërtimi.
Gjatë së premtes policia ka marrë dhe dëshminë e familjarëve të tij të cilët kanë mohuar që ai të ketë patur përplasje apo konflikte.
