Leonard Bashaliu, vëllai i Albi Bashaliut, i cili u ekzekutua në vitin 2021 në Gjocaj të Peqinit, dëshmoi në procesin penal ndaj Laert Haxhiut, i cili akuzohet nga SPAK si urdhërues dhe organizator i vrasjes për motive hakmarrjeje.
Vrasja e Albi Bashaliut u porosit nga Lorenc Lala, i cili, sipas SPAK, pagoi shumën prej 50 mijë eurosh për kryerjen e krimit.
Dëshmia:
Leonard Bashaliu (u shoqërua me pranga në duar nga Policia e Burgjeve, pasi ndodhet në burgun e Peqinit duke vuajtur një dënim për vrasje): Kam dëshmuar edhe njëherë, ndaj kam të drejtë të mos përgjigjem.
SPAK: Jemi në procesin e Laert Haxhiut.
Gjykata: Duhet të dëshmoni, sepse është proces më vete.
SPAK: Kur është vrarë vëllai juaj?
Leonard Bashaliu: Vëllai është vrarë në vitin 2021. Ngjarjen e kam marrë vesh nga televizioni në paraburgim.
SPAK: A ke kërkuar takim, ose të ka ardhur njeri?
Leonard Bashaliu: Ka ardhur mami të më shihte, nuk folëm për ngjarjen.
SPAK: Keni mendim se kush mund ta ketë vrarë vëllanë tuaj?
Leonard Bashaliu: Nuk e kam idenë.
Prokurori: Ju u akuzuat për vrasjen e Xhahysës. E pohoni që e vratë ju?
Leonard Bashaliu: Ylber Xhahysën e kam vrarë unë. Kam marrë dënimin dhe kam shprehur pendesë.
SPAK: Albert Xhahysa kishte lënë fëmijë?
Leonard Bashaliu: "Ka dy çuna dhe një vëlla. Nuk e di kush e ka vrarë vëllanë.
SPAK: A jeni interesuar se kush mund ta ketë vrarë?
Leonard Bashaliu: Jo.
