Zbardhen konfliktet mes Dritan Nanos, i cilësuar si organizator i dhunës barbare ndaj avokatit Sokol Mëngjesi me biznesmenin kontrovers Arben Rreli.
Nano thotë se e kishte denoncuar Rrelin në polici, pasi pa dijeninë e bashkëpronarëve të tjerë të tokës që ndodhet tek Liqeni Artificial kishte falsifikuar dokumentat dhe kishte lidhur aktmarrëveshje me avokatin Sokol Mëngjesi për t’i dhënë 30 përqind të pronës në një nga zonat më të lakmuara të Tiranës, afër Liqenit Artificial.
Dëshmia e plotë
Para hetuesve i dyshuari Nano, i cili aktualisht ndodhet nënmasën e arrestit me burg, ka deklaruar se bashkëshortja e tij ka trashëguar një sipërfaqe prej 900 metra katrorë truall nga prona e nënës së saj.
Kjo sipërfaqe trualli është një e teta e sipërfaqes së trashëguar prej 7200 metra, ku pjesët e tjera ju përkasin trashgimtarëve të tjerë.
Prona - sipas tij - ndodhet te Liqeni Artificial. Në 2010 bashkë me gruan e tij dhe bashkëpronarët e tjerë, përvec F.Rrelit, e cila është përfaqësuar nga djali i saj Arben Rreli, Dritan Nano pretendon se kanë marrë avokatin A.H, për t’i përfaqësuar në gjykatë me kërkesën për t’u njohur si bashkëpronar dhe trashgimtar. Pala e kundërt në procesin gjyqësor janë anëtarë të fisit Brari dhe ata me pretendimet e tyre të pronësisë.
Nano shpjegon më tej, se kur kanë marrë avokatin A.H kanë bërë prokurën e përfaqësimit për mbrojtjen e të dejtave të tyre në gjykatë dhe akt dëmshpërblimi, që nëse do të fitonte të gjithëpronën që u takonte do t’i jepnin 30 përqind shpërblim nga prona prej 7200 m2.
Në 2012, duke qenë së avokatin A.H nuk po përmbushte kërkesat e tyre kanë bërë revokimin e marrëveshjes dhe e kanë larguar si avokat, por disa nga bashkëpronarët qëndruan me këtë avokat. Nano thekson se pas largimit të avokatit të parë, kontaktuan ne avokat E.H, i cili ka patur vetëm prokurë përfaqësimi dhe pagesën e rënë dakord në marrëveshje. Në gjykatën e shkallës së parë kanë fituar procesin, por pala tjetër e apeloi cështjen. Gjatë procesit në Apel në dy seanca janë përfaqësuar vetë, por aty ndërhyri shtetasi Arben Rreli, i cili solli avokatin Sokol Mëngjesi, për të ndjekur procedurat gjyqësore, për të cilin kanë rënë dakord të gjithë si bashkëpronarë.
Marrëveshja me avokatin Mëngjesi
Dritan Nano thotë se nuk është i sigurt për datën dhe vitin kur është bërë prokura e përfaqësimit me avokatin Mëngjesi, por mendon se mund të jetë midis viteve 2015-2017.
Me avokatin Mëngjesi ai pretendon se kanë bërë një prokurë përfaqësimi me pagesë lekësh në dorë dhe e kanë firmosur bashkëpronarët.
Në vitin 2018 për cështjen gjyqësore është marrë vendim në favor të palës së tyre, duke u lënë në fuqi vendimi gjykatës së shkallës së parë, por edhe ky vendim duhet të ekzekutohej duke kryer regjistrimin e pronës dhe kthimin në mënyrë fikzike tëpronarët.
Takimi mes bashkëpronarëve
3 muaj e gjysmë pas marrjes së vendimit, Dritani është takuar me të gjithë bashkëpronarët në një lokal në afërsi të “VilësGold”. Në këtë lokal – ai kujton se ka ardhur edhe Arben Rreli me avokatin Sokol Mëngjesi. Gjatë bisedës i kanë thënë Arben Rrelit, pse po zgjatet kaq shumë regjistrimi i pronës?. Arbeni ka folur me fjalë të përgjithshme pa dhënë zgjidhje.
Në këtë moment, avokati Mëngjesi ka thënë se do ta zgjidhte ai këtë problem.
Në 2019, Dritan Nano pretendon se bashkëshortja e tij, dhe dy trashgimtare të tjera morën vendim për revokimin e prokurorëssë avokatit Mëngjesi. Kjo ishte për këto 3 familje, për pjesëtarë te tjerë nuk ka dijeni nëse e kanë mbajtur ose jo të njëjtin avokat.
Pas ndërprerjes së prokurës me avokatin Mëngjesi, Dritani dhe familja e tij, nuk kanë pasur asnjë komunikim edhe me shtetasin Arben Rreli. Nga fillimi muajit shkurt të këtij viti, në banesën e Dritan Nanos ka mbërritur një fletëthirrje nga gjykata, e cila i bënte me dije se duhet t’i paguante 30 përqind të pronës në natyre, ose në vlerë monetare shtetasit Arben Rreli.
Pasi ka kontaktuar edhe me bashkëpronarët e tjerë, Dritani ka mësuar se asnjë prej tyre nuk ka qenë në dijeni të firmosjes së ndonjë dokumenti më shtetasin Arben Rreli, ku ata si bashkëpronarë të ketë autorizuar Rrelin që t’i japë në formë shpërblimi 30 por qind të pronës, avokatit Sokol Mëngjesi, për shkak se në dokumentat që i kanë shkuar përmendet dhe emri i avokatit Sokol Mëngjesi.
Në bisedë e sipër që ka patur më bashkëpronarët e tjerë, Dritan Nano ka sugjeruar marrjen e një avokati tjetër që të përfaqësoheshin në gjykatë.
Pasi ka folur me bashkëpronarët e tjerë dhe kanë rënë dakord për përfaqësimin ne gjykatë me një avokat për padinë që kishte marrë Sokol Mëngjesi, Dritani e ka marrë në telefon avokatin duke e pyetur: “Cfarë ishte kjo letër se nuk ka kuptim”. Dhe Sokoli i përgjigjet se është marrëveshja që kanë bërë me Arbenin në rast të fitimit të pronës.
Gjatë telefonatës Dritani i ka kërkuar të takohen se ishte shumë serioze si situatë dhe mund të kuptohen me mirë ballë për ballë.
Takimi me avokatin
Sipas dëshmisë së Nanos, takimi me avokatin Sokol Mëngjesi duhet të jetë bërë nga fillimi i muajit shkurt të këtij viti në kafënRoma të pallatet Agimi. Dritanin e ka dërguar deri të lokali dhëndrri i tij, Dorian Alia.
Udhëtimin e kanë kryer me automjetin e Dorianit që është një Range rover dhe në makinën me dhëndrrin mund të ketë qenë dhe një shok i Dorianit.
Pas tyre ka qenë dhe një makinë tjetër me shokët e Dorianit, tre ose katër veta.
Pasi ka mbërritur te lokali Doriani me shokët e tij ka qëndruar nëtrotuar dhe nuk janë futur fare në lokal.
Ai ka thënë: “po presim jashtë sa të mbarosh takimin dhe po të çojmë prapë atje ku më morën”.
Pasi është takuar me Sokol Mëngjesin ai i ka thënë se nuk kanë firmosur asnjë marrëveshje të tillë dhe Sokoli është përgjigjur: “Nuk e keni me mua, e keni me shtetasin Arben Rreli, pasi marrëveshjen e kishte bërë me Arben Rrelin”.
Gjatë kësaj bisede, Dritani pretendon se i ka thënë Sokolit se nuk kishte bërë ndonjë gjë të madhe, pasi prona nuk ishte kthyer dhe palët ishin akoma në gjyq, gjithashtu edhe e kishin paguar. Dritani thekson më tej në dëshmi se ka shkuar për t’u sqaruar me avokatin Mëngjesi, por ai po fliste me tone të ashpra.
Në kohën që ngrinte zërin, Dritani i ka thënë: “E kupton që kjo që kërkon nuk të takon”. Ai i përgjigjet se ishte në gjendje t’ia merrte 30 për qind të pronës, pasi i kishte njohjet e duhura dhe aftësitë si jurist.
Në fund të bisedës i ka thënë Sokolit: “Je i sigurt që të takon?.Ai i është përgjigjur që: Po. Atëherë Dritani është ngritur dhe ka thënë shihemi në gjykatë. Edhe Sokoli ka thënë: Shihemi në gjykatë.
Ky ka qenë momenti i fundit që ai e ka kontaktuar me Sokol Mëngjesin dhe nuk ka komunikuar më në telefon me këtë shtetas.
Pasi është mbledhur me njerëzit e tij, dhe kanë parë edhe njëherë letrat që u kishte dërguar avokati Mëngjesi dhe sidomos marrëveshjen me Arben Rrelin, kanë arritur në konkluzionin që me Arben Rrelin nuk kishin nënshkruar këtë marrëveshje në mënyrën sesi paraqitej në padi. Pasi janë konsultuar kanë vendosur që të bënin kallëzim në polici ndaj shtetasit Arben Rreli, i cili ka bërë falsifikim dokumentash, pasi nuk kanë firmosër për t’i dhënë Arben Rrelit 30 për qind të pronës. Dritani shpjegon se kanë bërë kallëzim sepse ndiheshin të kërcënuar sepse po u merrej prona.
Dhuna ndaj avokatit
Në lidhje me aktet e dhunës ndaj avokatit Mëngjesi, Dritan Nano ka shpjeguar se ishte e bija që e telefonoi duke i thënë se bashkëshorti i saj, Dorian Alia kishte bërë një gabim duke goditur avokatin.
Ai shpjegon në dëshmi se ndodhej në Pogradec dhe është nisur mënjehërë drejt Tiranës dhe është paraqitur në polici.
Në lidhje me problemin e pronës, ai thotë se ka diskutuar me dhëndrrin Dorian Alia sic diskutohet në cdo familje. Drivald Alinë dhe Elton Kasaj shprehet se i njeh pasi janë kushërinj të dhëndrit, ndërsa ne lidhje me Romario Tabakun ai thotë se njeh dike me emrin Mario që dhëndërri Doriani shoqërohet me të në kafe.
