Ergys Agasi, i cili cilësohet nga Arben Ahmetaj si ndërmjetës i takimeve mes bosëve të krimit dhe kryeministrit Edi Rama, rezulton të ketë patur biznes me babain e ish deputetit socialist Alqi Bllako, ky i fundit i arrestuar për aferën e inceneratorëve.
Agasi rezulton ortak i vetëm i kompanisë EA TOBAÇO e regjistruar në QKB në 2 gusht 2016. Më herët ortak në këtë kompani ka qenë Edmond Bllako, babai i ish deputetit Alqi Bllako.
Referuar ekstraktit historik të shoqërisë rezulton se aksionet kalojnë me anë të shitjes nga Bllako të Agasi.
Ky i fundit që prej dobësimit të pozitës së Vangush Dakos ka marrë frerët e PS-së së Durrësit dhe njihet si njeriu më i besuar i Ramës për momentin.
