Pasi u njoftua nga familjarë dhe miq se në nje portal ishte hedhur nje shkrim denigrues ndaj figurës së tij, Dritan Pjetri drejtor i agjencisë së mbikqyrjes policore i drejtorisë së Tiranës vendosi të drejtohej policisë. Ne shkrim thuhej mes te tjerash se Dritan Pjetri ishte i dënuar në shtetin italian e për këtë shkak ishte i papershtatshëm per të ushtruar detyrën. Shkrimi shoqerohej me foton e Pjetrit dhe logon e AMP-së.
Pjetri thekson në kallezim se ky pretendim është i pavërtetë dhe se e gjitha bëhej për ti dëmtuar imazhin e tij, por edhe institucionit që punon. Nga hetimet rezultoi se gazetari Ervis Hasanaga publikonte lajmet që i servirte punonjësja e AMP, Regina Omeri, te cilës ja dergonte zyrtari tjetër i AMP, Kushtrim Selimi që aktualisht ështe në arrati.
Shkrimet etiketonin drejtuesit e lartë të policisë Muhamet Rrumbullaku, Neritan Nallbati, etj.
Për publikimin e lajmeve gazetari thotë se paguhej 50 mijë lekë. Në polici denoncoi edhe kreu i uniformave blu, Muhamet Rrumbullaku dhe shoferi i tij Altin Brahja, Neritan Nallbati etj.
