Prej gati tre muajsh, kreu i Partisë së Lirisë Ilir Meta ndodhet në burgun “313” në Tiranë. VNA ka sigurar në video ku Meta shihet në ambientet e ajrosjes së burgut, duke bërë ecje përgjatë oborrit të brendshëm.
Ilir Meta po hetohet nga SPAK nën dyshimet për korrupsion, pastrim parash e fshehje pasurie. Para dy ditësh ai paraqiti rekurs në Gjykatën e Lartë kundër masës së arrestit me burg. Nën hetim është dhe ish-bashkëshortja e tij Monika Kryemadhi ndaj së cilës është caktuar masa e detyrimit për paraqitje.
