Marco Alberti është emëruar nga ministria e Jashtme e Italisë si ambasador të Italisë në Shqipëri.
Marco Alberti ka lindur në Bukavu, Zaire, më 25 maj 1972 dhe ka përfunduar studimet në Drejtësi në Universitetin e Bolonjës në vitin 1996.
Ai hyri në shërbimin diplomatik në vitin 2000 dhe shërbeu si Zëvendës Shef i Sekretariatit të Nënsekretarit të Shtetit. Në vitin 2003 u nis për misionin e tij të parë jashtë vendit pranë Ambasadës së Italisë në Buenos Aires, Argjentinë, ku shërbeu si Zëvendës i Zyrës Politike dhe Shef i Zyrës së Shtypit dhe Komunikimit. Më pas, në vitin 2008, mori detyrën e Konsullit të Shtuar në Nju Jork, Shtetet e Bashkuara të Amerikës.
Në vitin 2011 u kthye në Ministrinë e Punëve të Jashtme Italiane në Shërbimin e Shtypit dhe Komunikimit Institucional, ku qëndroi deri në vitin 2012, kur filloi punën në ENEL S.p.A si Përgjegjës për Çështjet Institucionale Ndërkombëtare. Në këtë rol, ai mbështeti procesin e ndërkombëtarizimit të kompanisë në mbi 30 vende të botës dhe koordinoi marrëdhëniet me Ministrinë e Punëve të Jashtme dhe të Bashkëpunimit Ndërkombëtar, si dhe me institucione të tjera.
Gjithmonë i fokusuar në çështjet e inovacionit dhe marrëdhënieve publiko-private, ai ka marrë pjesë në shumë negociata me aktorë të shumtë, përfshirë si Sherpa i ENEL në Task Forcën për Energji dhe Efiçencë të Burimeve të B20. Ai gjithashtu ka mbajtur leksione në universitete të ndryshme italiane mbi çështje të studimeve strategjike, diplomacisë ekonomike dhe diplomacisë digjitale.
Që nga 1 shtatori 2021, ai është Ambasador i Italisë në Nur-Sultan, Kazakistan, me akreditim të dytë në Kirgistan. Në vitin 2013, u emërua Kalorës i Urdhrit të Meritës së Republikës. I martuar dhe baba i tre fëmijëve.
