I pyetur për herë të dytë nga gazetarët për protestën e sotme lidhur me ngjarjen ku u përfshi një polic rrugor dhe djali i biznesmenit Mane, Sali Berisha tha se nëse flet për aksidentin ku makina e Martin Manes përplasi disa makina të tjera, këto janë ngjarje të zakonshme që nuk meritojnë kaq shumë vëmendje.
Lidhur me faktin se i riu në timon mund të ketë qenë i dehur, Sali Berisha tha se “gjysma e tyre që i japin makinës sot janë të dehur”.
Sa për aktin ekstrem të policit të rendit, Sali Berisha kërkoi sërish të respektohet familja e tij. “Polici mund të ketë qenë në gjendje të brishtë të shëndetit mendor,” tha në konferencë për shtyp kryetari i PD.
