Për të dytën herë nesër paradite Sali Berisha ish-kryeministër do të paraqitet në SPAK në zbatim të vendimit të Gjykatës së Apelit të Posaçëm që caktoi ndaj tij masën e detyrimit për paraqitje të hënën e parë dhe të tretë të muajit.
Siç e ka kthyer tashmë zakon mbështetësit e tij dhe strukturat e PD do të mblidhen përpara godinës së Prokurorisë së Posaçme në mbështetje të z.Berisha.
Ish-kryeministri akuzon ashpër SPAK për ndikim politik dhe hetim të motivuar ndaj tij. Sali Berisha është marrë i pandehur për akuzën e korrupsionit kryer në bashkëpunim që lidhet me procedurat e privatizimit të ish-klubit sportiv Partizani.
