Partitë e vogla që do të garojnë në zgjedhjet e ardhshme parlamentare kanë shuar çdo mundësi bashkëpunimi mes tyre. Në protestën e sotme të organizuar para Ministrisë së Brendshme për ngjarjen ku u përfshi një polic i rrugores dhe djali i biznesmenit Samir Mane, Arlind Qori dhe Adriatik Lapaj janë përplasur me njëri-tjetrin për faktin se Lapaj ka kërkuar të flasë në protestë.
Ky incident, pa lidhje me qëllimin e protestës, një shenjë e qartë për protagonizëm nga Lapaj dhe përjashtues nga Qori, dëmtoi imazhin e protestës, por jo qëllimin e saj.
Në fund të saj, drejtuesi i Lëvizjes “Bashkë”, Arlind Qori, paralajmëroi se protesta e nisur prej tij do të vijojë çdo ditë, në orën 17:00, përpara Ministrisë së Brendshme deri në zbardhjen e plotë të ngjarjes.
