Dy makina ujëhedhëse dhe dhjetëra efektivë policie janë angazhuar për shpërndarjen e protestuesve përpara Kryeministrisë, ku është zhvendosur protesta e kësaj të shtune.
Pamjet e filmuara me dron tregojnë dy automjetet e policisë duke hedhur ujë me presion në drejtim të protestuesve, me qëllim largimin e tyre nga zona.
Pas përplasjeve përpara Ministrisë së Arsimit, studentë dhe qytetarë janë mbledhur sërish përpara godinës së qeverisë. Ata këmbëngulin se dorëheqja e kryeministrit Edi Rama mbetet kërkesa e tyre e panegociueshme.
