Një zjarr ka përfshirë katin e parë të një pallati 4-katësh në lagjen “Skënderbeg” të Lezhës, duke shkaktuar panik dhe evakuimin e banorëve.
Disa persona janë transportuar në spital për ndihmë mjekësore, pasi kanë pësuar lëndime dhe kanë shfaqur shenja asfiksie nga tymi.
Banorët kanë thyer xhamat për të mundësuar largimin e tymit, ndërsa efektivët e policisë dhe zjarrfikësit kanë ndihmuar në nxjerrjen e tyre nga ndërtesa.
Dyshohet se zjarri është shkaktuar nga një rrjedhje gazi, por shkaku mbetet për t’u konfirmuar. Në vendngjarje, shërbimet zjarrfikëse dhe policia po punojnë për vënien nën kontroll të situatës dhe zbardhjen e rrethanave.
