Në kulmin e hetimeve të SPAK, Erjon Veliaj në 28 dhjetor u nis në udhëtim jashtë vendit. Burimet për VNA thanë se destinacioni final i kryebashkiakut ishte Shtetet e Bashkuara të Amerikës. Nuk dihej nëse Veliaj ka udhëtuar për arsye pune apo për festat e fundvitit. Kryebashkiaku i Tiranës po hetohet nga SPAK për 4 vepra penale më të rëndat: korrupsion dhe pastrim parash. Të enjten ai u mor në pyetje nga Prokuroria e Posaçme për 5 orë.Pasi u largua prej andej, deklaroi se ishte denoncuar nga një person anonim me emrin Nesti Angoni. Veliaj deklaroi se ky person nuk ekziston, pasi ka kërkuar në regjistrat e gjendjes civile. Përballë këtyre akuzave, kreu i Partisë Demokratike, Sali Berisha tha se Veliaj ka udhëtuar drejt ShBA-së dhe nuk kthehet deri më 17 Janar. Madje ai publikoi edhe biletën e udhëtimit. Por ndryshe sa nga pritej, dje Veliaj u shfaq në sheshin Skënderbej nga ku priti Vitin e Ri 2025.
