Autoritetet në Florida, SHBA, kanë dhënë paralajmërimet e fundit për qytetarët që të evakuohen, ndërsa një numër i madh tornadosh kanë filluar të godasin shtetin jugor.
Miliona njerëz po përpiqen të largohen nga Florida, në një garë kundër kohës, ndërsa ajo që është cilësuar si “stuhia e shekullit” që pritet të godasë qytetin e Tampas mbrëmjen e të mërkurës.
Zyrtarët e shërbimeve të emergjencave kanë theksuar forcën shkatërruese që Milton pritet të ketë. Ndonëse intensiteti i uraganit u ul nga Kategoria 4 në atë 5 këtë pasdite, përmasat e stuhisë janë rritur në mënyrë dramatike dhe pritet të përfshijë sipërfaqe të mëdha toke në brigjet e Floridas.
Presidenti amerikan Joe Biden ka folur në Uashington për uraganin që po afrohet në Florida. Ai u bën thirrje të gjithë banorëve që “të ndjekin të gjitha udhëzimet e sigurisë” dhe thotë se “është një çështje jete dhe vdekjeje“.
