Një zhvillim i rëndësishëm diplomatik ka ndodhur sot, pasi India dhe Pakistani kanë rënë dakord për një armëpushim të plotë dhe të menjëhershëm, duke ulur ndjeshëm tensionet mes dy fuqive bërthamore të Azisë Jugore.
Lajmi është bërë i ditur nga presidenti amerikan, Donald Trump, përmes një deklarate në rrjetet sociale. Sipas tij, marrëveshja është arritur pas një nate bisedimesh intensive, të zhvilluara me ndërmjetësimin e Shteteve të Bashkuara të Amerikës.
“Ky është një hap i madh drejt paqes dhe stabilitetit në rajon, dhe një dëshmi e fuqisë së diplomacisë ndërkombëtare”, ka deklaruar Trump.
Ky armëpushim pritet të japë fund një periudhe të tensionuar mes dy vendeve, që ka shkaktuar shqetësim të madh në arenën ndërkombëtare për shkak të përplasjes së mundshme mes dy shteteve me arsenale bërthamore. Reagime pozitive priten nga komuniteti ndërkombëtar, ndërsa sytë tashmë janë të drejtuar nga hapat e ardhshëm në drejtim të një paqeje të qëndrueshme në rajon.
