Nga Ergys Mërtiri
Këto ditë u dënua me 10 vjet burg ish agjenti i policisë sekrete të Gjermanisë Lindore, Martin Naumann, në moshen 80 vjeç. Naumann u gjet fajtor për vrasjen e një të riu polak, i cili tentoi të kalojë kufirin në vitin 1974.
Në Shqipëri janë bërë masakra të tmerrshme në kufi dhe askujt nuk i ka hyrë gjemb në këmbë ne këto tre dekada.
Përkundrazi, disa historianë flokëbardhë, që nuk kanë bërë asgjë për zbardhjen e krimeve dhe pasojave të komunizmit, historianë që kane qenë të privilegjuar gjatë regjimit duke manipuluar historinë për llogari të tij, sot këmbëngulin të pohojmë se ai diktatura kishte dhe anë pozitive. Dhe ironikja është se ata që nuk folën kurrë për të këqijat, nxitojnë të na kujtojne "edhe" të mirat e kohes së mjerimit.
Dita e sotme duhet të ishte nje datë përkujtimore për fatkeqësine kombëtare që i erdhi këtij vendi nga Enver Hoxha dhe regjimi i tij. Këtë ditë autoritetet shteterore e kulturore duhet të përkujtojnë krimet, robërimin, poshtërimin moral e shkaterrimin politik, ekonomik, kulturor, intelektual e shpirtëror që ai regjim i bëri vendit në 48 vjet.
Moszbarrdhja e të vërtetes dhe mosdënimi i krimeve dhe shkatërrimeve, e per turp, rehabilitimi i krimineleve dhe sistemit që i polli, janë shkaqe të dështimit tonë kombëtar në këtë tranzicion 30 vjeçar.
