Tre kryebashkiakë të Partisë Socialiste kanë dhënë dorëheqje nga posti, pasi do të garojnë për deputetë në zgjedhjet e 11 majit.
I pari ishte kryebashkiaku i Matit, Agron Malaj, i cili ka dorëzuar kërkesën ditën e sotme, teksa nesër mblidhet Këshilli Bashkiak për miratimin e saj.
Pas tij ka dhënë dorëheqjen edhe kryetari i bashkisë së Tepelenës, Tërmet Peçi, Tërmet Peçi, i cili prej disa mandatesh në krye të institucionit lokal dhe pritet të jetë në listën e qarkut Gjirokastër.
Ervin Demo është kryebashkiaku i tretë që ka dhënë dorëheqjen për të për të kandiduar për deputet në zgjedhjet parlamentare. Kujtojmë se Demo është edhe drejtues politik i PS në qarkun e Beratit dhe do të jetë në listën e mbyllur.
Një tjetër emër i përfolur për të kandiduar për deputete është edhe ai i kryebashkiakes së Dimalit, Juliana Mema, por ende nuk ka një dorëheqje të saj.
Partia Socialiste do të futet ndryshe në garën e 11 majit, pasi në listën e mbyllur do të jenë drejtuesit politikë dhe emra të rinj. Ndërsa ata që kanë marrë qoftë edhe vetëm një mandat nën siglën PS, do duhet të jenë në listën e hapur për të mbledhur vota, ku disa prej tyre kanë shprehur dhe pakënaqësi.
