Një 21-vjeçar shqiptar është arrestuar sot në Belgjikë për trafik droge. Pas një ndjekjeje të gjatë, ai u kap në Unazën e Antwerp me gati 25 kilogramë kokainë në makinën e tij.
Ndjekja nisi pasdite, kur i riu shqiptar tentoi të ikte nga kontrolli i policisë në Holandë. “Ndjekja vazhdoi me shpejtësi të madhe nëpërmjet E19 dhe u mor përsipër nga policia federale e autostradës,” tha Kato Belmans, zëdhënëse e zyrës së prokurorit publik të Antëerp.
Policia ishte në gjendje të ndalonte makinën që po ikte në Unazën e Antëerpit pranë Antëerpit Jugor. “Shoferi më pas u përpoq të ikte nga policia në këmbë, ai u kap nga zona e policisë së Antëerp,” tha Belmans.
Sipas informacioneve, arrestimi është bërë në Eric Sasselaan, pranë Unazës.
“Në automjet u gjetën gjithsej 24.4 kg kokainë. Droga u sekuestrua”, thotë Belmans.
I riu shqiptar u arrestua dhe u soll para gjyqtarit hetues të mërkurën. “Ata vendosën ta arrestonin me dyshimin se kishte importuar lëndë narkotike në bashkëpunim,” thotë Belmans. Dhoma e këshillit do të vendosë më vonë për paraburgimin e tij të mëtejshëm.
