Partia Demokratike ka propozuar anulimin e të gjitha gjobave administrative të paekzekutuara, të vendosura nga 1 janari 2015 deri më 30 nëntor 2024, për të gjithë territorin e Shqipërisë. Sipas PD, masa duhet të zbatohet njësoj për të gjithë qytetarët dhe bizneset, pa dallim midis zonave urbane dhe rurale.
Ky propozim vjen si kundërpërgjigje ndaj nismës së mazhorancës socialiste, e cila ka kërkuar anulimin e gjobave vetëm për zonat rurale. PS argumenton se kjo masë synon të lehtësojë situatën ekonomike në këto zona dhe të përmirësojë bashkëpunimin me autoritetet.
Propozimi:
2- Të anullohen të gjitha detyrimet e prapambetura për energjinë elektrike dhe ujin deri në datën 30 nëntor 2024 për shtresat në nevojë, duke përfshirë pensionistët, familjet me ndihmë ekonomike dhe personat me aftësi të kufizuar.
3- Të anullohen të gjitha masat administrative së bashku me kamatëvonesat të vendosura deri në datën 30 nëntor 2024 nga Policia e Shtetit dhe Policia Bashkiake, në të gjithë territorin e Republikës së Shqipërisë.
4- Të anullohen të gjitha masat administrative së bashku kamatëvonesat të vendosura deri në datën 30 nëntor 2024 për mosrespektimin e afateve në procedurat tatimore dhe/ose mospagimin e taksës së pronës.
Gjithashtu, Grupi Parlamentar i PD argumenton që në kuadër të parimit të barazisë përpara ligjit të gjithë personave fizikë dhe juridikë që do të ishin subjekt përfitues sipas ligjit nëse nuk do të kishin kryer ekzekutimin e masave administrative përpara hyrjes në fuqi të tij, në bazë të parimit iu kthehen shumat e paguara dhe kthimi i shumave të bëhet nga institucionet e ngarkuara me zbatimin e këtij ligji brenda datës 31 janar 2025.
