Gjykata e Posacme e Apelit vendosi të lirojë nga sekuestro vilën në pronësi të Fatimr Kryemadhit, nënës së deputetes së Partisë së Lirisë, Monika Kryemadhi. Ndërsa vila në pronësi të Kryemadhit, do të vijojë të qëndrojë nën sekuestro të përkohshme pasi ka dyshime të arsyeshme se është produkt i veprimtarisë kriminale. Ligjvënësja gjatë një komunikimi për mediat la të nënkuptohej se ky sekuestrim vlen si hakmarrje, për shkak se ajo ka denoncuar aferën e inceneratorit të Tiranës. Lidhur me këtë cështje, deputetja tha se do të vijojë të ndjekë rrugën ligjore. Kryemadhi dhe ish-presidenti Ilir Meta janë nën hetim nga SPAK, nën dyshimet për disa vepra penale. Monika Kryemadhi, e cila ndodhet nën masën e sigurisë detyrim për paraqitje tha se do të bëjë rekurs në Gjykatën e Lartë, por është duke pritur zbardhjen e vendimit të Gjykatës Kushtetuese për ish-kryeministrin Sali Berisha, për shkak se që të dy janë deputetë dhe cështjet janë të ngjashme. Edhe ish-presidenti Ilir Meta pritet të bëjë rekurs në gjykatën supreme për masën. Monika Kryemadhi tha ndërkohë që do të vijojë betejën për heqjen e sekuestros mbi telefonin e saj që u gjet në shtëpinë e nënës, ku të dhënat e zbuluara në celular janë përdorur dhe prova nga prokuroria ish-bashkëshortëve, Meta-Kryemadhi.
