Një operacion i gjerë policor është zhvilluar gjatë natës nga forcat e Drejtorisë së Policisë Vlorë, në bashkëpunim me ato të Sarandës dhe Delvinës.
Sipas informacioneve paraprake, 15 persona janë shoqëruar nga autoritetet, të cilët dyshohen për përfshirje në veprimtari të paligjshme, konkretisht për akuzën “prodhim dhe shitje të lëndëve narkotike”.
Të ndaluarit janë transportuar me furgonë policie drejt Drejtorisë së Policisë Vlorë, ku aktualisht po merren në pyetje për të zbardhur detaje të mëtejshme mbi rastin.
Deri më tani, policia nuk ka publikuar një njoftim zyrtar lidhur me këtë operacion, ndërsa pritet të ketë zhvillime dhe informacione të reja në orët e ardhshme.
