Prokuroria e Shkdrës ka dalë me një informacion zyrtar në lidhje me tragjedinë e ndodhur para pak ditës në këtë qytet, ku nëna me tre fëmijë të mitur është mbytur në lumin Buna, si shkak i konflikteve që kishte me bashkëshkortin e saj.
Nga hetimet e prokurorisë, pasi ka pyetur personat që kishin dijeni, rezulton se Alma Arrazi nga ku ka rezultuar se në datën 02.05.2024, pasdite, Alma me fëmijët e mitur, ka shkuar për të pirë kafe me kunatën, me inicialet V.P., në lagjen “Iliria” Shkodër. Aty kanë qëndruar për rreth dy orë dhe më pas Alma i ka thënë kunatës se do ta merrte prej aty vëllai i saj me taksi dhe do të shkonte një javë tek shtëpia e tij që të qetësohej.
Nga administrimi i pamjeve filmike që ka siguruar prokuroria, pasi është ndarë nga kunata, Alma bashkë me tre fëmijët, ka ecur në trotuarin e rrugës që të çon te “Ura e Bunës” së vjetër, në drejtim të “Kishës së Zojës”, Shkodër. Largimi nga lokali është në orën 20:10 të datës 2 maj, ndërsa rreth orës 21:00 dyshohet se nëna bashkë me fëmijët janë hedhur në lumë.
Prokuria gjithashtu njofton se është arrestuar bashkëshorti dhe babai i fëmijëve Erys Arrazi, pasi ka pasur konflikte të shpeshta me gruan dhe dyshohet se ka ushtruar presion psikologjik ndaj saj duke e detyruar të bëjë vetvrasje.
Kujtojmë se deri më tani nga kërkimet e polumbarëve janë gjetur vetëm 2 vajzat, 8 vjeç dhe 9 vjeç të mbytura në lumë, ndërsa vijojnë kërkimet për nënën e tyre dhe djalin 3 vjeç.
