Shtetasi nga Venezuela drejtonte një rrjet prostitucioni homoseksual ne Tiranë. Nëpërmjet faqes së krijuar në internet, ku mund te rregjistrohesh shumë lehtë, krijoheshin kontaktet me dy shtetasit e huaj që punonin në rrjetin e krijuar nga venezualiani.
2 shtetasit e huaj me qëndrim të përkohshëm jetojnë në Tiranë me qira. Nëpërmjet faqes në internet lidheshin me kliente, dhe ushtronin prostitucionin kundrejt pagës 150-300 euro.
Denoncimi u bë nga një shtetas italian, i cili ndodhej në Shqipëri. Italiani kishte hyrë në faqen e internetit dhe kërkoi shërbim nga njëri nga djemt e huaj, por kaluan më pas në përplasje, çka solli dhe denoncimin në polici.
Në datën 3 Maj, DVP Tiranë, në bashkëpunim me Komisariatin e Policisë Nr. 3, në vijim të punës për goditjen e paligjshmërive, organizuan dhe finalizuan operacionin policor të koduar “ET-1”, si rezultat i të cilit u bë arrestimi i shtetasve G. J., 29 vjeç, dhe D. C., 31 vjeç, dhe u procedua në gjendje të lirë shtetasi A. S., 19 vjeç, të tre banues provizorë në Tiranë.
