Tifozat e shumtë kuq e zi nuk do mungojnë në “Epet Arena” të Pragës për të mbështetur kombëtaren kundër Çekisë. Më tepër se një mijë tifozë kuqezi pritet të jenë të pranishëm në tribuna, në mbështetje të Kombëtares gjatë ndeshjes kundër Republikës Çeke.
Rreth 460 prej tyre janë pjesë e grupimit të organizuar “Tifozat Kuq e Zi”, ndërsa pjesa tjetër kanë udhëtuar drejt kryeqytetit çek me grupe turistike të organizuara, ose në mënyrë individuale.
Federata çeke në anën tjetër njoftoi se biletat e ndeshjes nuk janë shitur të gjitha. Pavarësisht kësaj, edhe pse impianti nuk do të jetë i mbushur me kapacitet të plotë, atmosfera pritet të jetë elektrizuese.
