Në konferencë për shtyp para takimit të Nations League ndaj Çekisë, përveç trajnerit Sylvinho ka dalë edhe mesfushori i kombëtares, Nedim Bajrami. Mesfushori kuq e zi është shprehur se nesër do jetë ndeshje ndryshe, bëhet fjalë për një ekip fizik.Edhe pse na mungojnë disa lojtarë, mesfushori tha se grupi është gati.
“Besoj se ai gol që kam bërë është i kaluar. Nesër do jetë ndeshje ndryshe, bëhet fjalë për një ekip fizik. E dimë se çfarë na pret. Na mungojnë disa lojtarë, por grupi është gati. Kemi lojtarë të rinj. Tuci ka bërë stërvitjen e parë me ne. Nuk ka rëndësi shumë individualiteti, e dimë që kemi mungesa, por kemi grup të fortë. Në shtëpi, çekët njihen për forcën e tyre” – tha Bajrami.
