Igor Kukunov, është një shtetas rus i cili mbahet në paraburgim në Shqipëri prej një viti me qëllim ekstradimin drejt Rusisë. Gjykata e Lartë i ka hapur rrugë ekstradimit, por avokatët e shtetasit rus, Ardian Visha dhe Isuf Shehu i bëjnë thirrje qeverisë shqiptarë dhe ministrit të Drejtësisë Ulsi Manja të mos lejojë ekstradimin e Kukunov. Ky i fundit mund të ekstradohet vetëm në momentin që jep miratimin ministri i Drejtësisë. Ndaj avokatët kërkojnë që Manja të mos e japë këtë miratim.
Avokatët sjellin në vëmendjen e ministrit Manja faktin se Kukunov është shpallur në kërkim me firmën e Prokurorit të Përgjithshëm të Rusisë, i cili është shpallur Non grata nga organizatat ndërkombëtare ku bën pjesë dhe Shqipëria. Kukunov akuzohet në Rusi për veprën penale “zënia e pozitës së lartë në hierarkinë kriminale”.
