Policia Rrugore e Tiranës ka arrestuar 22 drejtues automjetesh gjatë javës së fundit për shkelje të rregullave të qarkullimit rrugor, ndërsa ka vendosur rreth 10 mijë masa administrative. Në bilancin zyrtar të punës javore, autoritetet njoftojnë gjithashtu se janë bllokuar 11 automjete, nga të cilat 4 me targa të huaja.
Shumica e masave administrative (mbi 60%) janë dhënë për parkim të gabuar, ndërsa 271 drejtues mjetesh janë gjobitur për përdorimin e celularit gjatë drejtimit të automjetit. Ky bilanc vjen si pjesë e përpjekjeve të vazhdueshme të Policisë Rrugore për të rritur sigurinë në rrugët e kryeqytetit.
