Një punonjës i burgut 313 në Tiranë është sulmuar në orët e para të mëngjesit nga persona të paidentifikuar, të cilët i kanë marrë armën e shërbimit. "Shtetasi A. L., 36 vjeç, banues në Yzberisht, punonjës pranë burgut 313, rreth orës 05:00, sapo ka dalë nga banesa e tij në rrugën 'Tre Dëshmorët', Yzberisht, është goditur me sende të forta nga tre persona ende të paidentifikuar, të cilët i kanë marrë armën e shërbimit dhe janë larguar," njoftoi policia. Sipas burimeve, polici ndodhet në spital nën kujdesin e mjekëve dhe është jashtë rrezikut për jetën. Policia ka nisur hetimet për të identifikuar autorët.
