Lëkundje tërmeti janë regjistruar ditën e sotme në Bosnje Hercegovinë, ndërsa lëkundjet janë ndjerë edhe në Kroaci.
Sipas qendrës sizmologjike mesdhetare (EMSC) tërmti ka qenë me magnitudë 4.5 shkallësh të Rihterit, ndërsa epiqendra ka qenë 39 kilometra në veriperëndim të Zenicës, me një thellësi prej 10 kilometrash dhe 29 kilometra në verilindje të Knezhevit.
Tërmetin e ndjenë më së shumti qytetarët e Teshnjas që kanë thënë se lëkundjet zgjatën rreth 20 sekonda. Dridhjet u ndjenë edhe në Travnik, Zenicë, Zavidoviq, Çelnicë, Banja Llukë dhe Gradaç. Aktualisht nuk raportohet për dëme materiale apo persona të lënduar.
