5 ditë pas arreastimit të Safet Bajrit, SPAK ka urdhëruar prangosjen e të dashurës së tij E.A, pasi rezulton e implikuar në vrasjen e Fatbardh Licit në Shkodër. Ndaj saj është caktuar masa e arrestit me burg për akuzat e përkrahjes së autorit të krimit dhe krijim të kushteve për të kryer vrasje.
Vajza ka patur rol aktiv në atentatin e gushtit 2018 ndaj Licit pasi drejtonte një nga makinat që u përdor në krim, ndërsa dyshohet se ka larguar nga vendngjarja autorët e dyshuar të vrasjes Safet Bajrin e Astmer Bilalin.
SPAK urdhëroi arrestimin e Safet Bajrit pak javë më parë, ndërsa firmosi urdhër arrest të ri për Behar Bajrin e Astmer Bilalin.
