SPAK po zhvillon hetime per koncesionin e Laboratorëve me vlerë 130 milionë euro që dyshohet se kontrollohet në mënyrë indirekte nga biznesmeni Klodian Allajbeu përmes njerëzve të tij të besuar.
Lajmi u konfirmua nga kreu i Prokurorisë së Posacme Altin Dumani gjatë një takimi me gazetaret. Z.Dumani nuk bëri komente të mëtejshme në lidhje me rezultatet e hetimeve për këtë koncesion që dyshohet të jetë korruptiv. Nga burimet mësohet se hetuesit e BKH-së kanë sekuestruar dokumenta dhe të dhëna të tjera që i sherbejnë cështjes. SPAK po heton ndërkohë edhe koncesionet e tjera të shendetësisë.
