Në konferencën me Kryeministren italiane Meloni, Kryeministri Rama kritikoi shkrimet e mediave italiane duke iu referuar dokumentarit të Rai3. Sipas Ramës mafia shqiptare nuk ekziston dhe se mediat e Italisë kanë thënë gjysmë të vërteta.
"Nuk mund të flasim për grupe të ngjashme me Ndragetën apo Cosa Nostaa. Shpreh shqetësim për gjysmë të vërtetat që janë thënë në Itali." u shpreh Rama
Koment duke i dalë në krah Ramës bëri dhe Meloni e cila theksoi se akuzat në drejtim të qeverisë shqiptare janë përbaltje.
"Pavarësisht suksesit të marrëveshjes, përfshihet vendi për këtë përbaltje. Rrezikojmë që t’i shkaktojmë një dëm të gjithë vendit. Shpreh gatishmërinë që ta hedhim poshtë këtë përbaltje. Në të ardhmen do të jemi më të vëmendshëm ndaj propozimeve që realizojmë. S’mund të rrezikojmë dhe të komprometojmë marrëdhëniet e fqinjësisë." u shpreh Meloni.
Kryeministrja italiane Meloni ka falënderuar kryeministrin Rama dhe Shqipërinë për ndihmën që i kanë dhënë vendit të saj në lidhje me zgjidhjen e situatës me emigrantët, ku komentoi dhe sulmet pas marrëveshjes.
"Përsëris afërsinë mes dy vende, për sulmet që i janë bërë Ramës dhe qeverisë së tij. Qeveria shqiptare nuk ka bërë asgjë veçse na ndihmoi. Ishte një fushatë denigruese ndaj qeverisë shqiptare. Nuk është hera e parë që Rama e Shqipëria i ofrojnë bashkëpunim Italisë”, tha ajo.
