Në Qarkun e Dibrës reshjet e borës kanë dobësuar intensitetin gjatë mëngjesit, duke arritur trashësi prej 35 cm në Peshkopi dhe deri në 70 cm në zonat e thella. Kompanitë po vijojnë punën për hapjen dhe kriposjen e rrugëve.
Bypass-i i Murrizit mbetet i mbyllur, ndërsa aksi Peshkopi-Tiranë është i kalueshëm. Për kalimin në aksin Peshkopi-Kukës dhe Peshkopi-Librazhd nevojiten zinxhirë, sidomos në zonat e Vasies dhe Lurës, ku kushtet janë më të vështira. Disa fshatra në Kalatë e Dodës, Selishtë dhe Lurë vazhdojnë të jenë pa komunikim.
