Zjarri që ka përfshirë fushën e mbetjeve në Vlorë, po vijon prej ditës së djeshme. Burime mediatike bëjnë me dije se zjarrëfikësit janë në terren për shuarjen e zjarrit. Situata vijon të jetë shumë e rëndë dhe problematike, madje është kërkuar edhe ndihma e forcave ushtarake. Tymi, prej erërave të forta, ka shkuar deri në qytetin turistik të Vlorës, ndërsa retë e tymit toksik duken me sy të lirë edhe nga qafa e Llogarasë. Kjo situtatë është e tejet shqetësuese, në një kohë kur Shqipëria është në mes të sezonit turistik.
