Erion Veliaj ka qenë i thirrur nga SPAK për të dëshmuar. Gazetarja Klodiana Lala ka publikuar sot dokumentin zyrtar ku thuhet qartë që Veliaj, ndryshe nga sa pretendon që ka shkuar me dëshirë për të folur në SPAK është thirrur nga peokurori për ty pyetur lidhur me procedurat e inceneratorit të Tiranës.
Retorika e Veliajt se mezi ka pritur të shkojë të flasë në SPAK bie poshtë në momentin që prokuroria e posaçme e ka thirrur të dëshmojë duke ja bërë të qartë dhe pasojat që ka mosparaqitja.
Më poshtë po ju sjellim fletëthirrjen e plotë të SPAK-ut për Veliajn:
Prokuroria e Posaçme Kundër Korrupsionit e Krimit të Organizuar
Urdhër për thirrjen e shtetasit Erion Veliaj
Tiranë, 24 prill 2024
Unë, Dritan Prençi, me detyrë prokuror në Prokurorinë e Posaçme Kundër Korrupsionit e Krimit të Organizuar në zbatim të nenit 312 të Kodit të Procedurës Penale për marrjen e të dhënave në funksion të hetimit të procedimit penal numër 255 viti 2020.
Urdhëroj: Shtetasi Erion Luan Veliaj, i ditëlindjes 17.12.1979, me detyrë kryetar i Bashkisë Tiranë, të paraqitet në Prokurorinë e Posaçme kundër Korrupsionit dhe Krimit të Organizuar, në datën 30 prill 2024, ditën e martë, në orën 10:00, tek hetuesi A. S., për marrjen e të dhënave për rrethana të dobishme në funksion të hetimit procedurial penal numër 255, viti 2020 (me vete të ketë dokument identifikimi).
Paraqitja e shtetasit të mësipërm kërkohet me qëllim pyetjen e tij si person që ka dijeni lidhur me rrethanat e hetimit, lidhur me hetimet paraprake procedimi penal 255, viti 2020.
Në rast mosparaqitjeje, ditën dhe orën e caktuar, pa pasur pengesa të ligjshme, paralajmërohemi se në bazë të nenit 312/2 të Kodit të Procedurës Penale, do të urdhërohet shoqërimi juaj i detyrueshëm nga Policia Gjyqësore.
Njoftimi i mësipërm të kryhet me anë të shërbimit postar në adresën e punës Bashkia Tiranë.
Prokurori i çështjes, Dritan Prençi.
