Një sasi lënde plasëse e vendosur në motorrin e kondicionerit të një lokali shpërtheu në orët e para të mëngjesit duke shkaktuar vetëm dëme materiale.
Mësohet se biznesi është në pronësi të shtetasit, Lulzim Lika.
Tiranë/Informacione paraprake
-Rreth orës 04:15, në rrugën “Ramazan Gaxheri”, në pjesën e jashtme të marketit në pronësi të shtetasit L. L., dyshohet se te motori i kondicionerit, ka shpërthyer një sasi lënde e dyshuar plasëse.
Nga shpërthimi janë shkaktuar vetëm dëme materiale.
Shërbimet e Policisë dhe grupi hetimor kanë shkuar menjëherë në vendngjarje dhe vijojnë punën për identifikimin dhe kapjen e autorit/ëve, si dhe për dokumentimin e plotë të rrethanave të rastit.
