Një shpërthim me lëndë plasëse ka ndodhur gjatë orëve të para të mëngjesit të sotëm në një lokal në lagjen “Besëlidhja” të Lezhës, pranë bllokut të banimit afër lumit Drin. Ngjarja ka ndodhur rreth orës 03:00, duke shkaktuar vetëm dëme materiale, pa persona të lënduar.
Lokali është në pronësi të 47-vjeçarit Ilir Markvukaj, i cili prej vitesh operon me disa biznese në qytet, përfshirë një palestër, një bar-kafe dhe një fermë me kafshë.
Menjëherë pas ngjarjes, forcat e policisë mbërritën në vendin e shpërthimit dhe nisën hetimet për të identifikuar autorët dhe zbardhur rrethanat e sulmit. Për momentin, pista kryesore e hetimeve mbetet e paqartë, ndërsa policia vijon punën për zbardhjen e plotë të ngjarjes.
