Një shpërthim ka ndodhur këtë të mërkurë në lagjen ish-Grumbullimi në Fushë-Krujë. Sipas burimeve, një sasi eksplozivi është vendosur dhe ka shpërthyer në murin e jashtëm të një punishteje sallami në pronësi të Dorjan Mirit.
Fatmirësisht, nga shpërthimi nuk raportohet për persona të lënduar, ndërsa dëmet materiale janë të kufizuara. Pronari i punishtes ka deklaruar për mediat se nuk ka pasur konflikte apo probleme me askënd dhe nuk e di se kush mund ta ketë vendosur lëndën plasëse.
Ndërkohë, autoritetet kanë nisur hetimet për të zbuluar autorët e ngjarjes dhe motivin e këtij akti.
