Në qytetin serb të Novi Sadit, 20 persona humbën jetën dhe dy të tjerë u shtruan në spital si pasojë e shembjes së çatisë së një stacioni hekurudhor, njoftoi Ministri i Brendshëm i Serbisë, Ivica Daçiç.
Stacioni u rinovua së fundmi, me punimet e përfunduara në korrik 2024, por kompania shtetërore, Infrastruktura e Hekurudhave të Serbisë, tha se tenda e shembur prej betoni dhe çeliku nuk ishte pjesë e rindërtimit të fundit.
Kryeministri serb Milos Vucevic tha se ishte “një nga ditët më të vështira në historinë e pasluftës të Novi Sadit, një tragjedi e tmerrshme”
“Pavarësisht nga fakti se … u ndërtua në 1964, ne do të insistojmë që të gjenden përgjegjësit dhe që duhej të kujdeseshin për gjendjen e strukturës,” shtoi Vuçeviç.
Stacionet televizive lokale dokumentuan praninë e shërbimeve të urgjencës, ku personeli mjekësor po përgatiste barela për ndihmën e të lënduarve.
