Liqeni i Ohrit pjesë e Trashëgimisë Botërore të UNESCO-s, po rrezikon të përfshihet zyrtarisht në listën e trashëgimisë në rrezik. Në sesionin e 47-të të Komitetit të Trashëgimisë Botërore zhvilluar pak ditë më parë në UNESCO i paraqiti një raport që tregon se Trashëgimia Natyrore dhe Kulturore e Rajonit të Ohrit (Shqipëri/Maqedonia e Veriut) të kategorizohet si një pasuri në rrezik. Arsyeja kryesore? Projektet e zhvillimit dhe ndërtimet pa vlerësim të ndikimit dhe pa transparencë ndërkombëtare. Në fokus të kritikave janë disa ndërtime masive të planifikuara nga Fondacioni Shqiptaro-Amerikan për Zhvillim (AADF) në zonën e mbrojtur të Liqenit të Pogradecit — struktura prej betoni me intensitet të lartë ndërtimi, të vendosura pikërisht në zemër të një pasurie të shpallur nga UNESCO si me Vlerë Universale të Jashtëzakonshme (OUV). Situata UNESCO ka identifikuar tre problematika madhore në pjesën shqiptare të liqenit: Urbanizim i paligjshëm dhe mungesë e përditësimit të planeve urbanistike. Refuzim i vazhdueshëm nga autoritetet shqiptare për të ndaluar: Zhvillimin urban përgjatë segmentit Pogradec–Tushemisht dhe në Lin, Ndërtimin në kodrën mbi Parkun e Drilonit, Zhvillimin urban në zonën rurale mes Tushemishtit dhe Drilonit. Mungesa e vlerësimeve të detyrueshme mjedisore (SEA/EIA), të kërkuara sipas praktikave ndërkombëtare. Shqipëria hesht, Maqedonia e Veriut reagon Ndërsa Maqedonia e Veriut ka paraqitur një amendament për të anuluar përfshirjen në listën e rrezikut, nga pala shqiptare nuk ka ende asnjë reagim zyrtar, as për të ndaluar projektet, as për të kërkuar shtyrje ose rishqyrtim të vendimit. Kjo situatë vjen vetëm një vit pas amendimit të ligjit “Për zonat e mbrojtura” në Shqipëri — një ndryshim i debatuar që e hapi rrugën ndërhyrjeve të tilla intensive në zona që më parë kishin mbrojtje të plotë. Reagimi Nga dokumentet e UNESCO-s rezulton se Maqedonia e Veriut ka kërkuar shtyrjen e këtij vendimi, por Shqipëria nuk ka paraqitur asnjë kundër-argument apo plan të qartë për të ndaluar ndërtimet që rrezikojnë vlerat universale të liqenit. Nëse Komiteti i UNESCO-s e miraton këtë vendim përfundimtar, Liqeni i Ohrit do të shpallet zyrtarisht si pasuri botërore në rrezik – një status që përdoret për të sinjalizuar kërcënime serioze dhe nevojën për masa urgjente. “State of conservation of properties inscribed on the World Heritage List” me Draft‑vendimin 47 COM 7B.54, që përmend rajonin e Ohrit (Shqipëri/Maqedoni e Veriut): ? whc.unesco.org/document/221412 — “State of conservation of properties inscribed on the World Heritage List”, përfshin Draft‑Decision 47 COM 7B.54 Thirrje Vetëm pak ditë më parë aktivistë denoncuan se shkarkimi i Besiana Kadare lidhet pikërisht me këtë raport. Për këtë arsye ata bënë thirrje për ndërprerje të menjëhershme të projekteve ndërtimore.
