Partia Socialiste do të mbledhë Kryesinë pasditen e sotme, në orën 18:00, për të diskutuar përgatitjet për zgjedhjet parlamentare të vitit 2025. Mbledhja do të drejtohet nga Kryeministri Edi Rama.
Në të njëjtën orë, Kryesia e Partisë Demokratike do të zhvillojë gjithashtu një mbledhje, ku pritet që kryetari i saj, Sali Berisha, të adresojë anëtarët përmes një mesazhi të transmetuar me anë të teknologjisë. Më herët, Berisha ka kërkuar dorëheqjen e Kryeministrit Rama dhe në mbledhjen e sotme pritet të forcohet qëndrimi opozitar, pas shpalljes së “mosbindjes civile” si reagim ndaj burgosjes së Ervin Salianjit. Diskutimet pritet të përfshijnë vendimin për mbajtjen e një proteste tjetër në Tiranë.
Këto mbledhje vijnë vetëm pak orë pas arrestimit të Ilir Metës, kreut të Partisë së Lirisë dhe ish-aleat i rëndësishëm i Berishës dhe Ramës.
