Kryetari i Partisë së Lirisë, Ilir Meta, ka reaguar nga burgu 313 në lidhje me protestën e sotme të opozitës, ku u bllokuan disa akse kryesore në Shqipëri. Në një mesazh të publikuar në rrjetet sociale, Meta shprehu mirënjohje për të gjithë shqiptarët që morën pjesë dhe patën guximin të ngriheshin.
Ai theksoi se përballja me narkoshtetin është një betejë pa kthim dhe theksoi se nuk ka forcë në botë që të ndalë Uraganin e Lirisë.
“Falenderim dhe mirënjohje të përzemërt për qindra mijëra shqiptarë patriotë në mbarë vendin që u ngritën në këmbë me guxim dhe me ndjenjë të fortë patriotike e kombëtare, në përballje pa kthim me Narkoshtetin për të marrë në dorë fatet e Shqipërisë. Nuk ka forcë në botë të ndalë Uraganin e Lirisë”, shkruan Ilir Meta.
