Policia e Shkodrës dha detaje në lidhje me plagosjen e një të riu që u paraqit në spitalin e Shkodrës.
Sipas bluve të qytetit veriut, ngjarja ka ndodhur rreth orës 21:55 kur një person me iniciale E. Sh., 22 vjeç, dyshohet se ka plagosur me armë zjarri në këmbë 24-vjeçarin me iniciale A. B.. Sipas policia ky i fundit ndodhet jashtë rrezikut për jetën në sital.
“Shërbimet e Policisë vijojnë kontrollet për kapjen e autorit të dyshuar. Grupi hetimor në drejtimin e Prokurorisë po punon për zbardhjen e rrethanave dhe dokumentimin ligjor të rastit” – thuhet ndër të tjera në njoftimin e policisë. Uniformat blu ndodhen në spitalin e Shkodrës për të marrë dëshminë e të plagosurit.
