Parlamenti turk ka dhënë një shfaqje jo të mirë ditën e premte, pasi deputetët janë përleshur me njëri-tjetrin. Mësohet se shkak është bërë fjalimi i një deputeti të opozitës i cili bëri thirrje që të lirohej kolegu i tij Can Atalayt, pasi është burgosur në vitin 2022 me arsyen se është përpjekur të rrëzojë qeverinë përmes organizimit të protestave mbarkombëtare.
Kanë qenë deputetët e partisë në pushtet, AKP, teksa nisen drejt foltores duke e sulmuar deputetin opozitar Ahmet Sik, ndërsa më pas dhe të tjerë u përfshinë në përleshje.
Can Atalayt u rizgjodh sërish deputet nga burgu në maj të vitit të kaluar nën siglën e Partisë së Punëtorëve të Turqisë. Pas kësaj Parlamenti ia hoqi mandatin, por më 1 gusht Gjykata Kushtetuese rrëzoi vendimin e Parlamentit duke e shpallur të pavlefshëm.
