Administrata e Trump ka deklaruar se do të tërheqë SHBA-në nga marrëveshja e Parisit për klimën – një pakt i nënshkruar nga pothuajse çdo vend për të reduktuar emetimet dhe për të mbajtur rritjen e temperaturës mesatare globale nën nivelet para-industriale.
Kjo është hera e dytë që SHBA tërhiqet nga marrëveshja e vitit 2015.
SHBA u tërhoq nga marrëveshja e klimës gjatë mandatit të parë të Trump, megjithëse u anulua nga presidenca Biden në 2021.
Tërheqja do të thotë që SHBA do t’i bashkohet Iranit, Libisë dhe Jemenit si të vetmet vende në botë jashtë paktit, raporton BBC.
Njoftimi për tërheqjen e SHBA nga marrëveshja e klimës u bë përmes një dokumenti të shpërndarë nga Shtëpia e Bardhë të hënën pasdite pas inaugurimit të Trump.
Trump ka sinjalizuar në mënyrë të përsëritur gjatë fushatës se ai dëshiron të rrisë prodhimin e naftës dhe gazit në SHBA – një premtim që ai e bëri edhe një herë gjatë fjalimit të tij inaugurues të hënën.
SHBA është aktualisht prodhuesi kryesor i naftës në botë, pas Arabisë Saudite dhe Rusisë.
Në vitin 2015, gati 200 vende u zotuan të përpiqen të parandalojnë rritjen e temperaturave globale me më shumë se 1.5C mbi ato të fundit të shekullit të 19-të – të njohura si nivele “paraindustriale”.
