Mes pankartave kundër qeverisë dhe thirrjeve për dorëheqjen e kryeministrit Edi Rama, në protestën e ditës së 18-të tërhoqi vëmendjen edhe një pankartë e drejtuar ndaj institucioneve të drejtësisë.
Në pankartë shkruhej: “Poshtë drejtësia sorosiane!”, ndërsa ishin vendosur fotot e ish-Prokurores së Përgjithshme Ina Rama dhe anëtarit të KPA-së, Sokol Çomo.
Teksti i plotë i pankartës ishte:
“Ish Prokurorja e Përgjithshme Ina Rama, ndryshe Hari Mata Hari. Ish socialisti, ish kryetari i Gjykatës Tiranë, Sokol Çomo ndryshe Epstein-i shqiptar. Të dy anëtar të KPA-së famëkeqe, kandidat të paligjshëm për gjyqtar në gjykatat e apelit, në harem….., pas shkarkimit të paligjshëm të një magjistrati, prokurori apo gjyqtari, tashmë pa mandatin në KPA…”
Pankarta ishte një nga mesazhet e shfaqura gjatë tubimit, ku përveç kritikave ndaj qeverisë dhe kryeministrit, pati edhe qëndrime të drejtuara ndaj reformës në drejtësi dhe institucioneve të vettingut.
